今日睇新聞報導，講到中國平安保險集團股份有限公司，即係中國平安網，應該是個 pingan.com ，平安集團於2014年5月15日推出一個叫做平安好房網既網站，搵左一陣，似係呢個名 haofun.com.cn，
奇怪係如果唔睇番中國平安個網內既圖片，都唔知係呢個網，因為入到去佢個網既面頁或關於我們，都未見有提及母公司(中國平安)。望望個網有乜特別先，而….原來係咁…睇完呢一Part，
睇番新聞報導既主要點，報導話平安好房網話想將好房網上的平台打造像天貓一樣的純電商平台，係二手樓買賣方面將由平安好房網擔負房源認證的工作，買賣雙方均不再需要繳納地產代理的中介費。
一手樓買賣，稱將靠佢地既優勢同開發商傾提供獨家優惠，又話要係今年下半年爭取5 – 10% 市場，三年後佔取一半市場咁話。
平安舉辦5.20 購房節，好房網話會陸逐推出北京上海及廣州的特價樓盤，客戶可在 5 月 20 日正式搶購，好房網話總共有5億元買樓補貼給業主。
不過天下更係冇咁大隻鵝周街走等人捉，要取得搶房資格係要先存入 2000 元。下一步會推出理財產品叫(好房寶)，這個產品可用於二手樓交易時做擔保，業主買樓時變相就會被逼捆綁有關理財產品。
網上早就已經有很多提供樓盤消息既網，要完完全取代中介的角色唔係唔得，係時間既問題，可能10年，20年，50年… 北京市官方部門想做亦做不到。咁平安會否只是曇花一現!
好房網的吸引力就是有同系母公司做資金擔保，亦可以分期首付以及一條龍按揭。不過業界都不太看好，質疑它可否長期靠補貼搶生意。
況且一向二手樓既產權驗核程序十分之複雜，中國內地方面，基本上只得住建委才可以做到驗核，所以一般都唔多正面。
有業內人士向北京記者提出質疑，對於平安好房網既一系列噱頭野，又話平安宣傳要推出特價房源，但發展商點解要特別給好房網優惠，自己賣賺晒唔得嗎 ?
另外好房寶等產品只不過係等在賣房的同時捆綁銷售平安旗下理財產品，根本唔係乜野吸引力，惟一有優勢的是平安銀行提供既按揭貸款服務同付款分期服務，在目前銀行收緊貸款的大環境下可能受到認可。
有消息指，現在內地二手房仲介開到大街小巷，租金當場非常之高，這些地產代理店舖租的都是最佳位置，他們的仲介費一般會收3%，例如在北京城區的一套二手房平均價格為250萬元人民幣，地產代理就要收75000元。